造口會醫院探訪服務

登登登櫈

今日向大家隆重介紹：造口會嘅醫院探訪服務

唔少會員首次接觸我哋造口會，就係透過呢個途徑㗎喇！

呢啲相遇當然唔係偶然啦

我哋造口會同醫院合作多年，持續參與不同醫院嘅義工計劃，透過醫務社工單位及病房護士嘅安排，向接受造口手術前後嘅病人提供支援。我哋嘅小組義工成員身為造口人士，都曾經歷面對剛做完造口手術時嘅茫然同不安，所以我哋知道，有同路人喺身邊支持同鼓勵，分享走過低谷嘅經歷，往往係最溫暖且最有說服力，幫助大家建立信心去適應有造口嘅生活，重拾希望！