【造口會參與東區醫院活動】

受到東區醫院嘅邀請，我哋造口會將於11月8日（五）參加「癌症病人資源中心同聚日 – 暨癌症社區服務展覽」！今次我哋保證攤位既好玩又有嘢學，除咗小遊戲同埋豐富嘅禮物，我哋仲會為大家帶嚟預防腸癌等疾病嘅健康資訊，增加大家對癌症嘅認識，從而提升公眾對預防腸癌嘅關注，並鼓勵定期進行身體檢查及大便檢測！

造口會喺東區醫院嘅活動上面亮相，當然唔係第一次啦！我哋長期都同醫院有頻繁嘅合作，例如定期安排已受訓嘅義工到病房提供床邊關懷以及每月兩次嘅醫院義工服務等，目的係將造口會嘅資訊帶畀更多有需要嘅同路人，鼓勵佢哋積極面對康復之路，重拾信心堅強過度留醫期！

趁呢個機會，我哋都要多謝 #東區醫院 畀機會我哋一班義工用行動去關心病人，體現出造口會嘅使命——透過與同路人分享寶貴經驗，倡導互助、互信、互勉嘅精神，助大家建立資源及人際網絡，提供支援服務及籌辦聯誼活動，促進造口人士嘅身心社康復。

最後最後最後，我哋再次呼籲我哋喺東區醫院嘅攤位節目豐富，誠邀所有會員、家屬及照顧者一齊參與，支持呢個咁有意義嘅活動！期待見到你哋！

東區醫院「癌症病人資源中心同聚日 – 暨癌症社區服務展覽」

日期：11月8日（星期五）

時間：上午12時 至 下午3時半

地點：東區醫院東座一樓癌症病人資源中心 及 東座地下禮堂

備註：攤位遊戲禮物豐富！大家記得嚟參加啦！